Article
YMA DIN DAN
PLATINUM JUBILEE LOGO
Vawiin a YMA ti a kan hriat Young Mizo Association hi June ni 3.1935 khan Pi Zaii (Kate Hughes) bangla ah din turin an rel a. A hming atan Wales rama Young Wales Association an tih angin Young Lushai Association (YLA) tiin June 15.1935 khan Zosap Missionery te hova din a ni. YLA tih hi thangtharten remchang lova an hriat avangin ni 7 October 1947 khan Young Mizo Association (YMA) tiin an lo thlak ta a ni.
PLATINUM JUBILEE LOGO
Posts
3 comments:
Hlawhtlin ngei ngei na thuruk
Hlawhtlin ngei ngei na thuruk chu ‘Tumruhna’ a ni. Zawmthaw taka len vah mai mai te, thil \ha tih nachang pawh hre lo, mahni In chhung khurah takngial pawh mi \angkai nih tum hauh lo te hi ‘Mi tum ruh lo te zepui dik tak a ni’. Hetiang mite hian ruihhlo an ngai nge nge \hin. Hetiang mi tan hi chuan ‘Hlawhtlinna’ hi hla takah a awm a, thawhrimna tel lovin hausak an tum a sual rawng an bawl chawk, a tawpah anmahni an inti chhe nge nge.
Tuna kan sawi ‘Mi tumruhte’ kan tih hi chu achunga mite ang an ni lo va. Hlawhtlinna, Hausakna, Pathian \ihna, hlimna engkim hi an ta a ni. He khawvela an damlai ngei ngeiin hlimna an chang a, thihhnu chatuan nunna nen.
Mi tumruhte chu - Chhel taka Pathian \ih mi, Mi taima leh hna duh mi, Mi hriat loh pawh a thil \ha tihna kawnga bei fan fan mi an ni. Lehkhazir lama mi tumruhte chu - nawmsak loh chang awm mahse an bei fan fan a, mut chhuak lo an ni bik lo; nimahsela an tum an chian em avangin mut chhuak chung chungin an bei hram hram \hin. Hrehawm an ti tho, nimahsela an tuar a, an bei hram hram a a tawpah an hlawhtling nge nge, tuman an dang thei lo. Tuna mi hlawhtling kan tih zawng zawngte hi hetiang mite hi an ni a. Kan tum azirin tumruh hian tlailuat a nei thei, hlawhtlinna i ta a ni e, chhel takin turuh rawh.
Hringnun zawhna pawimawh 5
New York Times No. 1 Bestseller ni phak, "The Purpose Driven Life" ziaktu Rick Warren chuan mihring nuna zawhna pawimawh ber ber 5 a thlang chhuak a, heng zawhna kan chhan dan leh kan bawhzui dan azirin kan nun chu a hlawhtlingin a hlawhchham mai dawn niin a sawi. Chung zawhnate chu hengte hi an ni:
1. Ka nuna hmun pawimawh berah eng nge awm ang?
Hei hi: tu nge ka Pathian ni ang? tih zawhna a ni. Eng nge ka damchhan ni ang? Ka nun hi eng behchhanin nge ka din chhoh dawn? Mi thenkhat chuan an nuna an dah pawimawh ber chu an career, an chhungkua, sports, pawisa, nawmchen leh thil dang dangte a ni a. Hengte hi thil pawimawh tak tak a nih rualin, hringnun behchhan atana hman tlak an ni lo. Hun harsa a lo thlenin mi tung ding reng thei pakhatmah a awm lo a ni.
Lal Asa chuan Juda mipuite chu Pathian zawng tur leh, an nuna Pathian dante dah pawimawh turin a hrilh a ni (2 Chro. 14:4). Pathian lo chu nun innghahna tlak a lo awm lo, tih a hrechiang hle.
Engtin nge Pathianin kan nunah hmun lairil ber a chan leh chan loh kan hriat theih ang? Pathian kan dah pawimawh ber chuan, Amah kan be thin. Pathianin hmu lairil ber a chan lohin lungngaih leh manganna kan nei fo. Pathianin hmun lai ber a chan chuan thlamuanna kan nei thin.
2. Eng nge ka nun zia ni ang?
Eng ang mi nge ka nih ang? Pathian chuan i hnathawh aiin eng ang zia nge i put a ngai pawimawh zawk. Hei hi hre reng ang u: kan nun zia chu chatuan hmunah pawh kan chhawm tel zel dawn a, leia kan hnathawh leh thilneihte hi chu kan chhawm tel lo ang. I dam chhung atana i umzui tur, mizia i duh zawng ziak chhuak la. A bul tan nan chuan Tirhkoh Paula"n Thlarau rah a sawite leh Isuan Tlang chunga thu a sawite kha a tha viau mai thei.
3. Ka nun hi engtin nge a luan chhuah ang?
Engtin nge rawng ka bawl ve ang? tihna ang a ni. Mi tinin tihtheih bik leh thiam bik kan nei a, Saptawng chuan-spiritual gifts, heart, abilities, personality and experiences (SHAPE) an ti a, hengte hi mi tinin kan neih dan a inang lo theuh a ni. Chutiang azir chuan, tute zingah leh tute hnenah nge rawng bawl i la ka thawhhlawk theih ber ang? tih a hriat theih a ni.
4. Ka nun hian engtin nge thu ka hril ang?
Ringlo mite zinga rawngbawlna chungchang a ni. Kan testimony leh Chanchin tha, ringlo mite hnena hrilh hriat chu ringtu kan nih anga kan tih ngei tur thil a ni. Pathianin i rawngbawlna bik tur a kawhhmuh thei che a, thenkhat chuan anmahni in chhungah, an fate hnenah Pathian thu an hril a ngai a, thenkhat chuan an thawhpuite zingah.
5. Tute zingah nge ka tel ang?
Pathian tana i inpekna chu tute zingah nge i lantir ang a, Pathian chhungte nen engtin nge inzawmna i neih ang? Inhmangaih tawn tura Lal Isuan thupek min pek chu kan ringtupuite zingah kan lan chhuahtir a ngai a ni. Ringtu puitling chuan Isua taksa, a kohhran tan a nun hial pawh a hlan ngam thin, Lal Isua"n kohhran tana a nun a pe ang khan (Eph. 5:25).
BEET ROOT LEH BEKANG
Mizote hian beet root hi kan hre lar lo hle mai a, a hming kan nei lo maw tih laiin Bulsen a ni e chu an ti, thisen sang tan a tha hle mai. He thlai-ah hian nitrates an tih hypertension damdawiah pawh an hman nasat hi a tam a. A tui sawr a in phei chuan rei lo teah a effect a lang nghal thei a ni. Mahse, 'bul' (roots) dang ang bawkin carbohydrates (sugar) a tam avangin Zun Thlum nei mi tan fimkhur a tul a ni...
tin, bekang eia kan ei Soyabean hi a tha em em mai bawk a. Isoflavones an tih protein chi khat a awm a...chu chu ruh lam tan te (osteoporosis), obesity ah thau chhia tih hniam nan te, hnute cancer do nan te leh thil dang dang tan, kan sawi vek seng lo ang...tin, protein a tam em em vang hian vegetarians' meat te pawh an lo ti thin. Keini chuan kan um thung...
Samu
Post a Comment